Evangelium Secundum Marcum*
Caput 2: Versus 19
Nunquia possunt.Matthaeus ita:Nunquid possunt filii sponsi lugere quandiu cum illis est sponsus,etc.[Matth. 9.]Sponsus Christus, sponsa Ecclesia, de quo spirituali connubio apostoli creati sunt, qui lugere et jejunare non possunt, quandiu sponsum cum sponsa vident. Quando transierint nuptiae, ac passionis et resurrectionis tempus advenerit, tunc jejunabunt.[BEDA.]Quandiu sponsus nobiscum est, in laetitia sumus, nec jejunare possumus, nec lugere; cum vero pro peccato recedit et avolat, tunc jejunium indicendum, tunc luctus multiplicandus.